წითელი ნახევრად ტკბილი ღვინო უსახელოური, მზადდება ამავე სახელწოდების, ლეჩხუმის მევენახეობის მიკროზონაში, ხელით მოკრეფილი საღვინე ჯიშის ყურძნისაგან.  უსახელოური  ერთ–ერთი უნიკალური ვაზის ჯიშია საქართველოში. მისი ღვინო მაღალი ღირსებისაა,  განსაკუთრებული გემური თვისებებით და ბროწეულის ფერით. სრულიად განსხვავებულია სხვა წითელყურძნიანი ვაზის ჯიშებისაგან.   ინტენსიური შეფერილობა და განსაკუთრებული ბუკეტი დამახასიათებელია მხოლოდ იმ ღვინისთვის, რომელიც დამზადებულია  ზუბი–ოყურეშის მიკრო ზონაში მოკრეფილი ყურძნისგან, საიდანაც ეს ჯიშია წარმოშობილი.  რეკომენდირებულია მისი მიღება 14-18°C-ზე დესერტთან და ხილთან ერთად. შენახვის ტემპერატურა: 10-12°C.